• ព្រះសម្មាសម្ពុទ្ធទ្រង់ត្រាស់ថា ៖
សេចក្តីវិនាសទ្រព្យ វិនាសញាតិ វិនាសយស វិនាសលាភ វិនាសអ្វីៗក៏ដោយ ជារបស់ខាងក្រៅ ជាសេចក្តីវិនាសតិចតួច តែបើវិនាសបញ្ញា ជាសេចក្តីវិនាសដ៏មហាសាល ។ ការបាននូវទ្រព្យ ការបាននូវយស ការបាននូវញាតិ ការបាននូវអ្វីៗក៏ដោយ ជាការបាន តិចតួច តែការបាននូវបញ្ញា ជាការបាននូវរបស់ដ៏ធំធេង ។ បានបញ្ញាហើយធ្វើឲ្យកើត សេចក្តីសុខដ៏ប្រណិត បានសេចក្តីសុខដ៏ប្រសើរ បើយើងត្រូវការចង់បាននូវសេចក្តីសុខដ៏ប្រសើរ ក៏ត្រូវស្វែងរកនូវបញ្ញា រស់នៅជាមួយបញ្ញា យល់ចូលចិត្តរឿងរ៉ាវទាំង ឡាយច្រើនជាងមនុស្សទូទៅយល់ ទើបអាចហ្វឹកហាត់អប់រំខ្លួនឲ្យឈានទៅមុខរឿយៗ ក្នុងផ្នែកបញ្ញានិងផ្លូវចិត្ត៕